ڈپٹی اسپیکر کی جانب سے اسمبلی اجلاس تاخیر سے بلانے کا اقدام چیلنج

اسلام آباد: (ن) لیگ نے ڈپٹی اسپیکر قاسم سوری کی جانب سے قومی اسمبلی اجلاس تاخیر سے بلانے کا اقدام عدالت میں چیلنج کردیا۔

مسلم لیگ (ن) کے رہنما مرتضیٰ جاوید عباسی نے ڈپٹی اسپیکر کے اقدام کو اسلام آباد ہائیکورٹ میں چیلنج کیا جس میں قاسم سوری، سیکرٹری پارلیمانی امور اور سیکرٹری اسمبلی کو فریق بنایا گیا ہے۔

درخواست میں مؤقف اختیار کیا گیا ہےکہ اجلاس 22 اپریل تک ملتوی کرنےکا 13 اپریل کا سرکلرآئین سے متصادم ہے۔

درخواست میں استدعا کی گئی ہےکہ ڈپٹی اسپیکرکوا سپیکراسمبلی کے الیکشن کے لیے اجلاس فوری بلانےکی ہدایت کی جائے، سیکرٹری پارلیمانی امور، سیکرٹری اسمبلی کو 16 اپریل کو اجلاس بلانےکی ہدایت کی جائے جب کہ ڈپٹی اسپیکر کو اسپیکر قومی اسمبلی کے اختیارات استعمال کرنے سے روکا جائے۔

واضح رہے کہ قومی اسمبلی سیکرٹریٹ نے اسپیکر قومی اسمبلی کے عہدے پر انتخاب کے لیے 16 اپریل کی تاریخ مقرر کی تھی۔

اسپیکر قومی اسمبلی کے عہدے پر انتخاب کیلئے شیڈول جاری

قومی ا سمبلی سیکرٹریٹ نے اس سلسلے میں تمام ممبران قومی اسمبلی کو مراسلے بھی جاری کردیے ہیں۔

قومی اسمبلی کے ہفتے کو ہونیوالے اجلاس کا شیڈول تبدیل

قومی اسمبلی کا 16 اپریل کو ہونے والا اجلاس اب 22 اپریل کو سہ پہر 3 بجے ہو گا۔