22 اپریل ، 2022 
لاپتہ دعا کاظمی کا معاملہ، شاداب خان نے حکام سے مطالبہ کردیا
22 اپریل ، 2022
پاکستان کرکٹ ٹیم کے آل راؤنڈر شاداب خان نے کراچی کے علاقے شاہ فیصل کالونی سے لاپتہ ہونے والی 14 سالہ دعا زہرہ کاظمی اور ان کے اہل خانہ کیلئے دعا کی ہے۔
سوشل میڈیا پر ایک بیان میں شاداب خان نے کہا کہ ' دعا زہرہ اور ان کے اہل خانہ کے لیے دعائیں ہیں کہ وہ اور تمام لاپتہ بچے بحفاظت اپنے والدین کے پاس واپس آجائیں'۔
انہوں نے مزید لکھا کہ 'میں حکام سے درخواست کرتا ہوں کہ' وہ ہمارے بچوں کی حفاظت کریں۔ وہ ہمارا مستقبل ہیں، اس سے زیادہ اہم کوئی چیز نہیں ہے'۔
واضح رہے کہ کراچی کے علاقے شاہ فیصل کالونی سے لاپتہ ہونے والی 14 سالہ دعا زہرہ کاظمی کی تلاش میں پولیس نے سانگھڑ میں چھاپہ مار کر ایک بچی کو بازیات کرایا تاہم بازیاب ہونے والی لڑکی کوئی اور نکلی۔
پولیس نے شرارت میں تاوان کی فون کالز کرنے والے بعض افراد کو بھی حراست میں لے لیا ہے۔
دعا کو گھر سے غائب ہوئے 6 روز گزر چکے ہیں اور پولیس نے مختلف پہلوؤں سے تفتیش کے بعد جلد کامیابی کا دعویٰ کیا ہے۔
مزید خبریں :
ورلڈکپ 2026 کیلئےکوالیفائی کرنا ٹارگٹ ہے: ہیڈکوچ پاکستان ہاکی ٹیم
31 اکتوبر ، 2024
