پاکستان
25 اپریل ، 2022

وزیراعظم اور اتحادی اپنے اخراجات پر عمرہ کریں گے

ممکنہ طور پر بلاول بھٹو وفاقی وزیر کا حلف اٹھانے کے بعد پاکستان کے وزیر خارجہ کی حیثیت سے سعودی عرب جائیں گے: ذرائع/فوٹوفائل
ممکنہ طور پر بلاول بھٹو وفاقی وزیر کا حلف اٹھانے کے بعد پاکستان کے وزیر خارجہ کی حیثیت سے سعودی عرب جائیں گے: ذرائع/فوٹوفائل

اسلام آباد:وزیراعظم شہباز شریف 27 اپریل کو عمرہ کی ادائیگی  کے لیے سعودی عرب جارہے ہیں اور اس سلسلے میں انہوں نے اپنے اتحادی جماعتوں کے سربراہوں کو اپنے ہمراہ اپنے اخراجات پر سعودی عرب جانے کی دعوت دی۔

ذرائع کہنا ہے کہ یہ دعوت سابق صدر آصف زرداری،مریم نواز، مولانا فضل الرحمان، اسلم بھوتانی اور اسی اتحاد میں شامل نیشنل ڈیموکریٹک موومنٹ کے سربراہ محسن داوڑ کو بھی دی گئی۔

 تاہم چند افراد مختلف وجوہ کی بنا پر شاید عمرہ پر نہیں جاسکیں گے تاہم جو افراد بھی عمرے کے لیے جائیں گی اس کے اخراجات وہ خود ادا کریں گے۔

مصدقہ ذرائع سے معلوم ہوا ہے کہ وزیراعظم شہباز شریف نے پیپلز پارٹی کے چیئرمین بلاول بھٹو کو اپنے ہمراہ دورہ سعودی عرب جانے اور عمرے کی سعادت حاصل کرنے کے لیے وفد میں شامل ہونے کی خواہش کا اظہار کیا ہے۔

ذرائع کے مطابق ممکنہ طور پر بلاول بھٹو وفاقی وزیر کا حلف اٹھانے کے بعد پاکستان کے وزیر خارجہ کی حیثیت سے سعودی عرب جائیں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM