بابر اعظم کی مسجد نبویؐ میں موجودگی کی تصویر وائرل

قومی ٹیم کے کپتان بابر اعظم ان دنوں عمرے کی ادائیگی کے لیے سعودی عرب میں موجود ہیں۔

بابراعظم نے انسٹاگرام پر گنبد خضراء کے روح پرور منظر کے ساتھ اپنی تصویر شیئر کی ہے۔

تصویر میں بابر کو کسی اونچی جگہ کھڑا دیکھا جاسکتا ہے جب کہ تصویر کے بیک گراؤنڈ میں مسجد نبویﷺ کا دل موہ لینے والا منظر سوشل میڈیا صارفین کی توجہ اپنی جانب کھینچ رہا ہے۔

بابر اعظم نے عمرہ روانگی سے قبل کیا کِیا؟

 بابراعظم کے والد اعظم صدیقی کی جانب سے بھی بابر  کے ہمراہ تصویر شیئرکرتے ہوئے مداحوں کو  قومی ٹیم کے کپتان کی عمرہ روانگی سے قبل مصروفیات سے آگاہ کیاگیا۔

اعظم صدیقی نے کہا کہ عمرہ روانگی سے پہلے بابر کافی دیر میرے پاس رہا ، اللہ پاک نے توفیق دی اپنے گھر بلا لیا، اللہ اپنے گھر کی حاضری قبول فرمائے اور نبیﷺ کے روضےکی زیارت بھی قبول و مقبول کرے۔

انہوں نے لکھا کہ  دعا ہے رحمتوں کا یہ سفر ہمارے گھر اورسب گھر والوں اور بابر کے لیے ہر زحمت کو رحمت میں بدل دے اور صرف خیر ہی خیر ہو، جو خطائیں ہیں انعام میں بدل جائیں اور ہم سب ہر سال مکہ و مدینہ جائیں ۔ آمین

بابر اور فخر زمان عمرے کیلئے سعودیہ پہنچ گئے، مسجد نبوی ﷺ سے تصاویر وائرل

یوٹیوبر نادر علی کے انسٹاگرام اکاؤنٹ سے بابر اعظم اور فخر زمان کے ہمراہ مسجد نبوی ﷺ میں لی گئی تصاویر شیئر کی گئی ہیں

خیال رہے کہ اس سے قبل یوٹیوبر نادر علی کی جانب سے بابر اعظم اور فخر زمان کے ہمراہ مسجد نبویﷺ میں لی گئی تصاویر شیئر کی گئی تھیں۔