26 اپریل ، 2022 
پاکستان
کراچی کے علاقے سولجر بازار سے مبینہ طور پر لاپتہ لڑکی کا نکاح نامہ بھی سامنے آگیا ہے۔—فوٹو: فائل
کراچی سے مبینہ طور پر لاپتہ ہونیوالی تیسری لڑکی کا نکاح نامہ بھی سامنے آگیا
26 اپریل ، 2022
کراچی کے علاقے سولجر بازار سے مبینہ طور پر لاپتہ 25 سالہ دینار کا نکاح نامہ بھی سامنے آگیا ہے۔
ذرائع کے مطابق دینار نے وہاڑی میں اسد عباس نامی لڑکے سے شادی کرلی ہے جبکہ پولیس کا دعویٰ ہے کہ لاپتہ لڑکی گھر سے اپنی مرضی سے گئی ہے۔
دوسری جانب لڑکی کے بھائی نے سولجر بازار تھانے میں بہن کی گمشدگی کی درخواست بھی واپس لے لی ،پولیس کے مطابق دینار 22 اپریل کو اپنے گھر سے مبینہ طور پر لاپتہ ہوئی تھی۔
واضح رہے کہ اس سے قبل کراچی سے ہی لاپتہ دعا اورنمرہ کا نکاح نامہ بھی سامنے آچکا ہے۔
