26 اپریل ، 2022 
پاکستان
جیونیوز نے دعا زہرہ کی بازیابی کے وقت کی ویڈیو حاصل کرلی
26 اپریل ، 2022
جیو نیوز نے پاکپتن سے ملنے والی کراچی کی رہائشی دعا زہرہ کی بازیابی کی ویڈیو حاصل کرلی۔
جیو نیوز کو موصول ویڈیو میں دیکھا جاسکتا ہےکہ ظہیر اور دعا ایک ساتھ کمرے میں آرہے ہیں جب کہ اس موقع پر سادہ لباس میں پولیس افسر بھی کمرے میں بیٹھا ہے۔
نمائندہ جیونیوز کا کہنا ہےکہ دعا زہرہ پاکپتن کے قصبہ چالیس ایس پی آئی سے برآمد ہوئی ہے۔
پولیس نے جب پاکپتن میں ظہیر کے چچا جہانگیر کے گھر چھاپہ مارا تو اس نے بتایا کہ دعا اور ظہیر اس کے بھائی بشیر کے گھر موجود ہیں۔
نمائندہ جیونیوز کے مطابق ظہیر احمد کا والد فوت ہوچکا ہے، وہ پنجاب یونیورسٹی کے کنٹرولر امتحانات کا ڈرائیور تھا جب کہ ظہیر کی والدہ بھی یونیورسٹی میں کلاس فور کی ملازمہ ہے۔
