27 اپریل ، 2022 
ویڈیو: مٹھائی کھانے میں تاخیر، دلہا اور دلہن نے اسٹیج پر ہی ایک دوسرے پر تھپڑ برسادیے
27 اپریل ، 2022
شادی میں عموماً دلہن اور دولہا ایک دوسرے کو بڑے پیار اور سلیقے سےمٹھائی کھلاتے ہیں البتہ دوستوں اور رشتے داروں کی طرف سے اس عمل میں تھوڑی شرارت کی جاتی ہے۔
آج ہم آپ کو ایک ایسی شادی کے بارے میں بتارہے ہیں جس میں مٹھائی کھلانے کے دوران دلہن اور دلہے کے درمیان تھپڑوں کی بارش شروع ہوگئی۔
بھارت کے مقبول کامیڈین سنیل گروور نے انسٹاگرام پر ایک ویڈیو اپ لوڈ کی جس میں دیکھا جاسکتا ہے کہ ایک دلہن اور دلہا تیار ہوئے اسٹیج پر کھڑے ہیں۔
بعد ازاں دلہن دلہے کو مٹھائی کھلانے کے لیے اپنا ہاتھ آگے بڑھاتی ہے لیکن دلہا پاس میں موجودکیمرا مین کو کہتا ہے کہ تصویر اچھی آنی چاہیے۔
اس دوران مٹھائی کھانے میں تاخیر کی وجہ سے دلہن کو شدید غصہ آجاتا ہے اور وہ مٹھائی دلہے کے منہ پر مل دیتی ہے ، جس کے بعد دلہا ایک تھپڑ دلہن کو رسید کرتا ہے ۔
ایک تھپڑ کھانے کے بعد دلہن بھی جوابی وار کرتے ہوئے شوہر کو تھپڑ مار دیتی ہے اور دیکھتے ہی دیکھتے دونوں ایک دوسرے پر تھپڑوں کی برسات کردیتے ہیں۔
سنیل گروور نے ویڈیو کے کیپشن میں لکھا کہ 'غصہ نہ کیا کرو، ابھی تو زندگی شروع ہوئی ہے'۔
مزید خبریں :
دنیا کی قدیم ترین حروف تہجی پر مبنی تحریریں دریافت
9 گھنٹے پہلے
لندن میں مریخ کا خوبصورت نظارہ، دیکھنے والے حیران رہ گئے
12 گھنٹے پہلے
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
