30 اپریل ، 2022 
پاکستان
گورنر پنجاب کی جانب سے استعفیٰ مسترد کیے جانے کے بعد عثمان بزدار نے فوری طور پر کابینہ کا اجلاس طلب کر لیا ہے۔ فوٹو: فائل
بزدار کابینہ اجلاس کے بعد گورنر کو پنجاب اسمبلی تحلیل کرنے کا کہہ سکتے ہیں: ذرائع
30 اپریل ، 2022
پاکستان تحریک انصاف کے ذرائع کا بتانا ہے کہ عثمان بزدار کابینہ اجلاس کے بعد گورنر پنجاب کو اسمبلی تحلیل کرنے کا کہہ سکتے ہیں۔
گورنر پنجاب عمر سرفراز چیمہ نے عثمان بزدار کا استعفیٰ آئینی اعتراض لگا کر مسترد کر دیا تھا جس کے بعد عثمان بزدار نے فوری طور پر کابینہ کا اجلاس طلب کر لیا ہے۔
پاکستان تحریک انصاف کے رہنماؤں کا کہنا ہے کہ عثمان بزدار کی زیر صدارت ہونے والے کابینہ اجلاس میں اہم فیصلے کیے جائیں گے۔
ذرائع کا کہنا ہے کہ عثمان بزدار کابینہ اجلاس کے بعد گورنر پنجاب کو اسمبلی تحلیل کرنے کا کہہ سکتے ہیں۔
دوسری جانب گورنر ہاؤس لاہور میں نو منتخب وزیراعلیٰ حمزہ شہباز کی تقریب حلف برداری کی تیاریاں جاری ہیں جس کے لیے مہمانوں کی آمد کا سلسلہ جاری ہے۔
