بلاول کی مسجد نبوی آمد پر کیا واقعہ ہوا؟ سعید غنی نے بیان جاری کردیا

مسجد نبوی میں ’جئے بھٹو‘ کے نعرے لگنے سے متعلق سعید غنی کا مؤقف سامنے آگیا۔

پی پی رہنما سعید غنی نے ٹوئٹر پر جاری بیان میں وزیر خارجہ بلاول بھٹو کی مسجد نبوی آمد کے موقع پر سوشل میڈیا پر زیرگردش ویڈیوز پر بات کی۔

سعید غنی نے کہا کہ ’ یہ صریحاً جھوٹ ہے، میں خود چیئرمین بلاول کے ساتھ تھا، کسی ایک شخص نے کوئی نعرہ نہیں لگایا البتہ مسجد نبوی میں سینکڑوں افراد نے چیئرمین بلاول کو سلام کیا، ہاتھ ہلاکر خوشی کا اظہار کیا‘۔ 

واضح رہے کہ حال ہی میں  مسجد نبویؐ میں وفاقی وزرا کی موجودگی کے موقع پر ناخوشگوار واقعہ پیش آیا  تھا جس میں کچھ افراد نے چور چور کےنعرے لگائے جب کہ اس نعرے بازی میں پی ٹی آئی کے رہنما اور عمران خان کے سابق مشیر صاحبزادہ جہانگیر بھی پیش پیش تھے۔

مسجد نبوی ﷺ کی بےحرمتی کے ایک روز بعد عمران خان کا مؤقف سامنے آگیا

مدینے میں جو کچھ ہوا وہ ان کے اعمال کا نتیجہ تھا: چیئرمین تحریک انصاف

بغیر کسی اگر مگر کے مسجد نبوی کا واقعہ ہر صورت قابل مذمت ہے: نور الحق قادری

تحریک انصاف اور قیادت کا اس واقعے سے کوئی تعلق نہیں، پارٹی کے سنجیدہ طبقات میں اس واقعے پر غصہ بھی ہے: سابق وزیر مذہبی امور