عمرہ سیزن شوال کے آخرتک جاری رہےگا، سعودی وزارت حج وعمرہ

سعودی وزارت حج وعمرہ کا کہنا ہےکہ بیرون ملک سے  آنے والوں کے لیے عمرہ سیزن کا اختتام شوال کے آخر تک ہوگا،  اس سے قبل تک بیرون مملکت سے عمرہ زائرین آسکتے ہیں۔

سعودی وزارت حج وعمرہ کے مطابق یکم ذوالقعدہ سے حج سیزن کی تیاریوں کا آغاز ہونے پرعمرہ ویزوں کا اجراء روک دیاجائے گا۔

جدہ ائیرپورٹ پر غیرمعمولی رش، تمام بین الاقوامی پروازیں تاخیرکا شکار

پی آئی اے نے مسافروں کی سہولت کے لیے اقدامات کیے ہیں، سی ای او پی آئی اے نے جدہ ائیرپورٹ حکام سے ٹیلی فونک رابطہ کیا ہے

سعودی وزارت حج وعمرہ کا کہنا ہے کہ ماہ رواں کے اختتام 30 مئی تک بیرون مملکت سے آنے والوں کے لیے عمرہ ویزے جاری کیے جائیں گے اس دوران بیرونی عمرہ زائرین مملکت آسکتے ہیں۔

سعودی وزارت حج وعمرہ کا کہنا ہےکہ وزارت کے ڈیجیٹل پورٹل پرعمرہ ویزے کے لیے درخواست اپ لوڈ کرائی جاسکتی ہے جس میں منظورشدہ عمرہ ٹور آپریٹرز کی سہولت بھی فراہم کی گئی ہے۔

واضح رہے گزشتہ دوبرس سے کورونا وائرس کے باعث بیرون ملک سے عمرہ و حج پرآنے کی پابندی عائد تھی جبکہ امسال کورونا کی وبا پرقابو پالینے کے بعد بڑی تعداد میں مختلف ممالک سے عمرہ زائرین مملکت پہنچے اور ان کی آمد کا سلسلہ ہنوز جاری ہے۔