11 مئی ، 2022
کراچی کو بجلی فراہم کرنے والی کمپنی کے الیکٹرک کا کہنا ہے کہ شہر میں شیڈول کے مطابق لوڈ شیڈنگ کی جارہی ہے، لوڈ شیڈنگ کا شیڈول کے الیکٹرک کی ویب سائٹ پرموجودہے۔
ترجمان کےالیکٹرک نے کہا کہ ہم کراچی میں 14 گھنٹے کی لوڈ شیڈنگ کی خبروں کی تردید کرتے ہیں، 20 فیصد سے کم نقصان والےعلاقوں میں لوڈ شیڈنگ نہیں کی جارہی، 400کے قریب صنعتی فیڈرز پر بھی لوڈ شیڈنگ نہیں کی جا رہی۔
ترجمان کے الیکٹرک کا کہنا ہے کہ لانڈھی، بھینس کالونی اور دیگر علاقوں میں عدم ادائیگی پرکچھ کنیکشنز منقطع کیے گئے ہیں ، بجلی کی فراہمی بلوں کی ادائیگی سے مشروط ہے۔