12 مئی ، 2022 
عروہ کے غصے کا سنا ہے لیکن مجھ سے ہمیشہ عزت سے پیش آتی ہیں: اعجاز اسلم
12 مئی ، 2022
پاکستانی اداکار اعجاز اسلم نے اداکارہ عروہ حسین کے جلد غصہ ہوجانے سے متعلق انکشاف کیا ہے۔
اعجاز اسلم حال ہی میں اہلیہ سبین کے ہمراہ نجی ٹی وی کے ٹاک شو میں شریک ہوئے اور اپنی نجی زندگی سمیت مختلف موضوعات پر گفتگو کی۔
دوران شو میزبان آغا علی نے اعجاز اسلم سے سوال کیا کہ کوئی ایسی نوجوان اداکارہ سے متعلق بتائیں جن کے ساتھ کام کرکے آپ کو لگتا ہو کہ انہیں اخلاقیات کی بہت ضرورت ہے۔
میزبان کے سوال پر پہلے تو اعجاز اسلم نے انکار کیا کہ ایسی کوئی اداکار ہ نہیں ہے کیوں کہ سب ان کے ساتھ عزت سے پیش آتی ہیں تاہم بعد میں انہوں نے بتایا کہ عروہ حسین سے متعلق انہوں نے سنا ہے کہ وہ سیٹ پر بہت جلدی غصہ ہوجاتی ہیں اور شارٹ ٹیمپر ہیں، ایک دوبار تو عروہ سے متعلق سنا گیا ہے کہ انہوں نے ہدایت کار کو بھی سکھانے کی کوشش کی۔
اعجاز اسلم نے واضح کہا کہ ’ میں نے ایسا صرف سنا ہے لیکن میں نے ان کے ساتھ کام نہیں کیا، دونوں سائیڈ کی اسٹوری سننی چاہیے ، ہوسکتا ہے میں یہاں غلط ہوں لیکن اگر یہ بات درست ہے تو عروہ کو اپنا لہجہ ٹھیک کرنا چاہیے، اگر اپنی بات کروں تو وہ ہمیشہ مجھ سے عزت سے پیش آئی ہیں‘۔
دوسری جانب آغا علی نے بھی بتایا کہ حال ہی میں عروہ سے میری بھی ملاقات ہوئی ہے لیکن وہ مجھ سے بہت عزت سے ملیں ۔
خیال رہے کہ اس سے قبل اداکارہ ثناجاوید کے میک اپ آرٹسٹ سے کی گئی بدسلوکی کے بھی متعدد دعوے سامنے آچکے ہیں۔
مزید خبریں :
کراچی: چوروں نے فخر عالم کے گھر کا صفایا کردیا،اداکار سخت مایوس
30 جنوری ، 2025
شوبز میں مجبوری کے تحت آئی: امبر خان
30 جنوری ، 2025
بھارتی اداکارہ ارچنا پورن سنگھ فلم کی شوٹنگ کے دوران زخمی
29 جنوری ، 2025
