12 مئی ، 2022 
عمران خان کو لے کر مشی اور ریحام خان پھر آمنے سامنے
12 مئی ، 2022
سابق وزیر اعظم عمران خان کے وزارت عظمیٰ سے فارغ ہونے کے بعد جہاں ان کے سیاسی مخالفین کے بیانات سامنے آرہے ہیں وہیں ان کی سابقہ اہلیہ ریحام خان بھی تنقید میں کسی سے پیچھے نہیں۔
ان دنوں سوشل میڈیا پر چیئرمین تحریک انصاف عمران خان کی ایک ویڈیو وائرل ہے جس میں وہ کسی انٹرویو سے قبل بال سنوار رہے ہیں۔
ریحام خان نے ویڈیو کا اسکرین شاٹ شیئر کرتے ہوئے چیئرمین پی ٹی آئی پر تنقید کی کہ ’ہینڈسم نہ بنو گے دوبارہ‘۔
ریحام خان کی ٹوئٹ پر اداکارہ مشی خان معمول کی طرح چپ نہ رہ سکیں اور ان کی ٹوئٹ کو ری ٹوئٹ کرتے ہوئے تنقید کا نشانہ بنایا اور لکھا کہ’ اور تم کو ایسا موقع نہ ملے گا دوبارہ لہٰذا فکر نہیں اور ذکر نہیں‘۔
بعد ازاں ریحام خان کی جانب سے ایک ٹوئٹ میں شہباز شریف کے چینی کی ایکسپورٹ پر پابندی سے متعلق بیان کو شیئر کیا گیا جس پر مشی خان نے رد عمل کا اظہار کرتے ہوئے کہا ’ چینی سے پہلے آپ پر پابندی لگنی چاہیے کیوں کہ دونوں مضر صحت ہیں‘۔
