کراچی میں کرکٹ میچ کے دوران ہیٹ اسٹروک سے فاسٹ بولر جاں بحق

کراچی میں سخت گرمی میں کرکٹ میچ کے دوران فاسٹ بولر مبینہ طور پر ہیٹ اسٹروک کے باعث جاں بحق ہوگیا۔

اطلاعات کے مطابق یہ واقعہ کراچی کے علاقے ناظم آباد میں واقع انو بھائی پارک میں کرکٹ میچ کے دوران پیش آیا۔

ہیٹ اسٹروک کی علامات اور بچاؤ کی تدابیر جانیں

ہیٹ ویو کے دوران ہیٹ اسٹروک کا خطرہ بھی بڑھ جاتا ہے جو جان لیوا ثابت ہوسکتا ہے۔

رپورٹ کے مطابق فاسٹ بولر عمرخان آخری اوورکی آخری گیند کراتے ہی وکٹ پرگرگئے، انہیں فوری طور  پر عباسی شہید اسپتال لے جایا گیا جہاں ڈاکٹرز  نے ان کے انتقال کی تصدیق کی۔

خیال رہےکہ کراچی میں کھیل کے میدان میں 2 روز میں یہ دوسرا کھلاڑی ہے جو جان کی بازی ہارچکا ہے، دودن قبل لیاری میں ایک فٹبالر ہیٹ اسٹروک کے باعث انتقال کرگیا تھا۔