21 مئی ، 2022 
پاکستان
عمران خان نے ہی سیاست میں بدتمیزی اور گالم گلوچ کو پروان چڑھایا ہے: وفاقی وزیر/ فائل فوٹو
مریم کیلئے عمران خان کے الفاظ سن کر سر شرم سے جھک گیا: شیری رحمان
21 مئی ، 2022
اسلام آباد: پیپلز پارٹی کی رہنما اور وفاقی وزیر شیری رحمان نے مریم نواز سے متعلق عمران خان کے بیان کی مذمت کی ہے۔
ایک بیان میں شیری رحمان نے کہا کہ مریم نواز کے لیے عمران خان کے الفاظ سن کر سر شرم سے جھک گیا، عمران خان نے جتنا سیاست کو آلودہ کیا ہے کسی نے نہیں کیا۔
انہوں نے کہا کہ عمران خان نے ہی سیاست میں بدتمیزی اور گالم گلوچ کو پروان چڑھایا ہے، کارکنان جب بد تہذیبی کا مظاہرہ کریں تو قائدین انہیں روکتے ہیں، یہاں پارٹی کا لیڈر خود کارکنان کو بد تہذیبی کا درس دے رہا ہے۔
وفاقی وزیر کا کہنا تھا کہ عمران خان کو اس بد تہذیبی کی سونامی کو روکنا ہوگا۔
