پاکستان بزنس کونسل نے غریبوں کو ٹارگٹڈ سبسڈی دینے کی حمایت کر دی

پاکستان بزنس کونسل (پی بی سی ) نے ملک کی موجودہ صورتحال میں غریبوں کو ٹارگٹڈ سبسڈی دینے کی حمایت کر دی۔

اپنے ایک بیان میں پاکستان بزنس کونسل کا کہنا تھا کہ ایندھن پر سب کو سبسڈی دینے کے بجائے صرف ضرورت مندوں کو سبسڈی دی جائے۔

پی بی سی کے مطابق  پاکستان کے پاس ہر طرح کے اعداد و شمار موجود ہیں مگر کبھی ان سے فائدہ نہیں اٹھایا گیا۔

پاکستان بزنس کونسل کا مزید کہنا تھا کہ  نادرا اور بے نظیر انکم سپورٹ پروگرام کے ڈیٹا سے فائدہ اٹھا کر ضرورت مندوں کو سبسڈی دی جا سکتی ہے جبکہ امیروں کو سبسڈی کی ضرورت نہیں ہے۔

خیال رہے کہ  اس سے قبل پاکستان بزنس کونسل نے تیل پر ٹارگٹڈ سبسڈی دینے کا مطالبہ کیا تھا۔

پاکستان بزنس کونسل کا ایندھن پر ٹارگٹڈ سبسڈی دینے کا مطالبہ

استحکام کے تمام راستے عالمی مالیاتی ادارے ( آئی ایم ایف ) سے ہو کر گزرتے ہیں: پاکستان بزنس کونسل

معاشی ماہرین نے بھی پیٹرولیم مصنوعات پر سبسڈی ختم کرنے کا مطالبہ کردیا

پیٹرولیم مصنوعات کی قیمتیں نہ بڑھائیں تو ڈالر کی قیمت اور بڑھ جائے گی جس کے نتیجے میں مہنگائی بھی اور بڑھے گی: معاشی ماہرین