لاہور میں بتی چوک پر پی ٹی آئی کارکنان نے رکاوٹیں ہٹادیں، پولیس کی شیلنگ

لاہور میں پولیس اور پی ٹی آئی کے کارکنان کے درمیان جھڑ پ ہوگئی۔

لاہور میں پولیس نے پی ٹی آئی کارکنان کو روکنے کے لیے مختلف مقامات پر رکاوٹیں لگا رکھی ہیں جنہیں ہٹانے کے لیے پی ٹی آئی کارکنان بتی چوک پہنچ گئے ۔

پی ٹی آئی کا رکنان نے جی ٹی روڈ کے علاقے بتی چوک پر لگی رکاوٹوں کو جب ہٹانا شروع کیا تو کارکنان اور پولیس کے درمیان جھڑ پ ہوگئی جس پر پولیس نے پی ٹی آئی کارکنان پر آنسو گیس کی شیلنگ کی۔

پی ٹی آئی کارکنان رکاوٹیں ہٹاکر راوی پل جانا چاہتے ہیں جسے انتظامیہ نے کنٹینر لگا کر بند کررکھاہے تاہم پولیس نے کارکنان کو تقریباً راوی پل سے 100 میٹر پہلے ہی روک لیا۔

پولیس اور پی ٹی آئی کے کارکنان کی جھڑپ کے دوران فی الحال کوئی گرفتاری عمل میں نہیں آئی۔

لانگ مارچ: کراچی سے اسلام آباد تک اہم سڑکیں اور موٹروے بند، بس اڈے سیل، میٹرو سروس بھی معطل

اسلام آباد میں پولیس، رینجرز اور ایف کو تعینات کر دیا گیا ہے اور ریڈ زون کو سیل کر دیا گیا ہے۔

عمران خان کا صوابی میں لانگ مارچ کے شرکاء سے خطاب متوقع، کنٹینر بھی پہنچا دیا گیا

عمران خان ہیلی کاپٹر کے ذریعے انبار انٹرچینج صوابی پہنچیں گے: ایم پی اے عاقب اللہ