کھیل
29 مئی ، 2022

بابر اعظم کو 'کور ڈرائیو' میں مہارت حاصل کرنے میں کتنے سال لگے؟

حال میں جیو نیوز کو دیئے جانے والے ایک تفصیلی انٹرویو میں بابر اعظم نے بتایا کہ کور ڈرائیو میں بہتری لانے میں کتنے سال لگے؟__فوٹو: فائل
حال میں جیو نیوز کو دیئے جانے والے ایک تفصیلی انٹرویو میں بابر اعظم نے بتایا کہ کور ڈرائیو میں بہتری لانے میں کتنے سال لگے؟__فوٹو: فائل

پاکستان کرکٹ ٹیم کے کپتان بابر  اعظم کی کور ڈرائیو کے چرچے دنیا بھر میں ہیں، بابر اعظم کی اننگز چاہے مختصر ہو یا وہ پریشر میں کھیل رہے ہوں، شائقین کرکٹ کو ضرور ان کی دلکش کور ڈرائیو دیکھنے کا موقع مل جاتا ہے اور  ہر کوئی بابر  کی کور ڈائیور کی تعریف کرنے پر ضرور مجبور ہوتا ہے۔

حال میں جیو نیوز کو دیے جانے والے ایک تفصیلی انٹرویو میں بابر اعظم نے بتایا کہ کور ڈرائیو میں بہتری لانے میں انہیں کتنے سال لگے؟

بابر اعظم نے کہا کہ 'پریکٹس تو میں ہر چیز کی کرتا ہوں لیکن کور ڈرائیو میری نیچرل ہے، اور اس کے ساتھ میری فیورٹ شاٹ بھی ہے لیکن اس کا مطلب یہ نہیں ہے کہ نیچرل اور فیورٹ شاٹ پر میں نے محنت نہیں کی بلکہ اس پر تو میں نے زیادہ محنت کی ہے، اس کو شوق سے اور محنت سے میں نے بہتر بنایا ہے '۔

کپتان نے کہا کہ  'مجھے کور ڈروائیو بہتر بنانے میں 10 سال لگے، میں اب بھی کور ڈرائیو کو پر فیکٹ کرنے کے لیے پریکٹس کرتا ہوں'۔

انہوں نے کہا کہ 'انٹر نیشنل کرکٹ میں سب بولرز بہترین ہو تے ہیں، وہ چھوڑتے نہیں ہیں بلکہ دو منٹ میں پکڑ لیتے ہیں اس کے لیے آپ کو ہر لمحہ متحرک رہنا پڑتا ہے اور اس کے لیے میں محنت بھی کرتا رہتا ہوں' ۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM