29 مئی ، 2022 
روزانہ پھول بھیجنے والا شخص کون ہے؟ صبا قمر نے بتا دیا
29 مئی ، 2022
پاکستان فلم اور ڈرامہ انڈسٹری کی معروف اداکارہ صبا قمر کو پھول دینے والے شخص کی گتھی نہ سلجھ سکی تاہم اب مداح کی پہچان کے حوالے سے صبا قمر نے خود گفتگو کی ہے۔
کچھ ماہ قبل اداکارہ صبا قمر نے انسٹاگرام اسٹوریز پر خوبصورت گلدستے کی تصاویر شیئر کرتے ہوئے بتایا تھا کہ انہیں روزانہ ایک نامعلوم مداح گلدستے اور تحائف بھیج رہا ہے جس پر اداکارہ نے مداح کا شکریہ بھی ادا کیا تھا۔
اب اس حوالے سے صبا کا ایک بیان سامنے آیا ہے جس میں انھوں نے نجی میڈیا کے ایک پروگرام میں شرکت کے دوران پھول بھیجنے والے مداح سے متعلق گفتگو کی ہے، میزبان واسع چوہدری کے سوال کا جواب دیتے ہوئے صبا قمر نے کہا کہ پھول ہمیشہ پیار کرنے والے دیتے ہیں اور جو بھی مجھے پھول بھیج رہا ہے وہ پاکستانی نہیں ہے۔
پھول دینے والا سامنے کب آئے گا؟ کے سوال کے جواب میں اداکارہ کا کہنا تھا کہ جو حالات جا رہے ہیں انھیں دیکھ کر لگتا ہے کہ اس شخص کے سامنے آنے میں دیر نہیں لگے گی بلکہ وہ جلد سامنے آجائے گا۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
