30 مئی ، 2022 
سدھوموسے والا کے قتل کی ذمہ داری کس گینگ نے قبول کی؟
30 مئی ، 2022
پنجابی گلوکار اور کانگریس لیڈر سدھو موسے والا کے قتل کی ذمہ داری کینیڈین گینگسٹر نے قبول کرلی ۔
میڈیا رپورٹس کے مطابق سدھو موسے والا کو اتوار کو ضلع مانسا کے گاؤں جواہرکے میں نامعلوم حملہ آوروں نے فائرنگ کرکے ہلاک کیا تھا۔
بھارتی میڈیا کا بتانا ہے کہ نامعلوم افراد نے سدھو کی گاڑی پر حملہ کیا اور 30 سے زائد گولیاں برسائی تھیں جس کے نتیجے میں سدھو اور گاڑی میں موجود دیگر 2 افراد شدید زخمی ہوگئے تھے جنہیں اسپتال منتقل کیا گیا تھا۔
بھارتی میڈیا کا بتانا ہے کہ شبہ ہے کہ حملہ گینگ وار کی جانب سے کیاگیا جب کہ اس حوالے سے ڈی جی پولیس پنجاب وی کے بھاورا کا کہنا تھا کہ لورنس بشنوئی گینگ اس قتل میں ملوث ہے، گینگ کے رکن لکی نے کینیڈا سے قتل کی ذمہ داری قبول کرلی ہے۔
میڈیا رپورٹس کے مطابق قتل کی ذمہ داری قبول کرنے والے گروپ کا نام وکی مڈھوکھیرا اور گرلال برار کے قتل کے سلسلے میں سامنے آیا تھا اور اس کے باوجود بھی پولیس نے اس کے خلاف کوئی کارروائی نہیں کی۔
دوسری جانب پنجاب پولیس کی جانب سے واقعے کی تحقیقات کے لیے خصوصی ٹیم تشکیل دے دی گئی ہے۔
مزید خبریں :
سدھو موسے والا کے والدین نے اپنے چھوٹے بیٹے کا چہرا دکھا دیا
08 نومبر ، 2024
وہ کریں جو آپ کی بیگم کہتی ہے: فلک شبیر کا شوہروں کو مشورہ
08 نومبر ، 2024
ارجن سے رشتہ ختم ہونے کے بعد ملائیکہ کی انسٹاگرام اسٹوری وائرل
08 نومبر ، 2024
سلمان کے بعد شاہ رخ خان کو بھی جان سے مارنےکی دھمکی
07 نومبر ، 2024
