01 جون ، 2022 
ٹیسلا ملازمین دفتر آئیں یا ملازمت چھوڑ دیں، ایلون مسک کا انتباہ
01 جون ، 2022
کورونا وائرس کی وبا کے نتیجے میں دنیا بھر میں گھروں سے کام کرنے کا رجحان بہت زیادہ مقبول ہوا اور اب متعدد افراد حالات معمول پر آنے کے بعد بھی دفاتر واپس آنے کے لیے تیار نہیں۔
مگر دنیا کے امیر ترین شخص اور ٹیسلا کے سی ای او ایلون مسک کو یہ قبول نہیں۔
ایلون مسک کی ایک ای میل لیک ہوئی ہے جس کا عنوان ہی یہ ہے کہ گھروں سے کام اب قابل قبول نہیں۔
اس ای میل میں ایلون مسک نے لکھا 'ہر وہ فرد جو گھر سے کام کرنا چاہتا ہے اسے دفتر آکر ہر ہفتے کم از کم 40 گھنٹے کام کرنا ہوگا یا پھر ٹیسلا کو چھوڑنا ہوگا'۔
اس ای میل میں انہوں نے یہ بھی کہا کہ کسی خاص کیس پر وہ گھر سے کام کی درخواست پر نظرثانی کرکے خود منظوری دیں گے۔
ایلون مسک نے ای میل کی باقاعدہ تصدیق تو نہیں کی مگر ایک ٹوئٹر پیغام میں اس حوالے سے کہا کہ جن لوگوں کو لگتا ہے کہ دفتر سے کام کرنا اب ماضی کا قصہ بن چکا ہے تو انہیں کسی اور جگہ کام کرنا چاہیے۔
اس ای میل میں البتہ ایلون مسک کی ہدایات پر عمل درآمد کی کوئی تاریخ نہیں دی گئی تو بظاہر اس کا اطلاق فوری طور پر ہوگیا ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
3 گھنٹے پہلے
غزہ پر اسرائیلی بمباری سے مزید 38 فلسطینی شہید
5 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
