01 جون ، 2022 
روس سے جنگ: امریکا کا یوکرین کو جدید راکٹ سسٹم دینے کا اعلان
01 جون ، 2022
امریکا نے یوکرین کو روس سے جاری جنگ میں مدد فراہم کرنے کیلئے جدید راکٹ سسٹم اور مزید جنگی سازوسامان فراہم کرنے کا اعلان کردیا۔
غیر ملکی میڈیا رپورٹس کے مطابق امریکی صدر جو بائیڈن نے منگل کو کہا کہ امریکا یوکرین کو روس کے ساتھ اس کی جنگ میں مدد کرنے کیلئے اسے جدید راکٹ سسٹم اور جنگی سازوسامان فراہم کرے گا ۔
امریکی عہدیداروں نے منگل کے روز تصدیق کی کہ امریکا یوکرین کو امریکی ساختہ ہائی موبلٹی آرٹلری راکٹ سسٹم یوکرین کو سکیورٹی امداد کے 11ویں پیکج کے حصے کے طور پر بھیجے گا۔
غیر ملکی میڈیا رپورٹس کے مطابق بدھ کو باضابطہ طور پر اعلان کیے جانے والے نئے سکیورٹی امدادی پیکج میں فضائی نگرانی کے ریڈار، اضافی ٹینک، اینٹی آرمر ہتھیار، ہیلی کاپٹر،گاڑیاں اور اسپیئر پارٹس بھی شامل ہوں گے۔
امریکی صدر کا کہنا تھا کہ یوکرین کو خودمختار،آزاد،خوشحال اور دفاعی صلاحیت سے لیس دیکھنا چاہتےہیں،ہتھیاروں کی نئی کھیپ یوکرین کو میدان جنگ میں اہم اہداف کو نشانہ بنانے کے قابل بنائے گی۔
امریکی میڈیا کے مطابق نئے امریکی جدید راکٹ سسٹم سے یوکرین 49 میل دور تک ہدف کو نشانہ بنانے کے قابل ہوجائے گا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
3 گھنٹے پہلے
غزہ پر اسرائیلی بمباری سے مزید 38 فلسطینی شہید
5 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
