07 جون ، 2022
اداکار شان شاہد نے بی جے پی کی ترجمان کی جانب سے گستاخانہ بیان پر شدید ردعمل دیتے ہوئے بالی وڈ سپر اسٹارز شاہ رخ، سلمان اور عامر خان کی خاموشی پر برہمی کا اظہار کیا ہے۔
ٹوئٹر پر جاری بیان میں شان نے کہا کہ کچھ اداکار اب بھی بی جے پی کے خلاف بولنے کے بجائے خاموش ہیں ، یہ کہتے تھے فنکار کی کوئی سرحد نہیں، سرحد نہیں ہوتی تو شرم تو ہوتی ہے یا وہ بھی بیچ دی؟
اداکار نے برہمی کا اظہار کرتے ہوئے کہا کہ اپنی آواز اٹھائیں اور پیارے نبیﷺکی شان میں گستاخی کی مذمت کریں۔
ایک اور ٹوئٹ میں شان نے شاہ رخ، سلمان اور عامر خان کی تصاویر پوسٹ کیں اور ساتھ ہی ان کی خاموشی پر غصے کے ساتھ تعجب کا اظہار کیا۔