10 جون ، 2022 
کھیل
پاکستانی اننگز کے 39ویں اوور میں ایک تماشائی میدان میں داخل ہوا اور کریز پر موجود شاداب خان کو سیلوٹ کیاجس کے بعد قومی آل راؤنڈر نے اسے گلے لگایا —فوٹو: اسکرین گریب
ویسٹ انڈیز کیخلاف دوسرا ون ڈے: ایک تماشائی پاکستان کی بیٹنگ کے دوران میدان میں گھس آیا
10 جون ، 2022
پاکستان اور ویسٹ انڈیز کے درمیان دوسرے ون ڈے میچ کے دوران ایک تماشائی گرین شرٹس کی بیٹنگ کے دوران میدان میں گھس آیا۔
پاکستان کے کرکٹ گراؤنڈ میں کسی انٹرنیشنل میچ کے دروان طویل عرصے بعد ایسا منظر دیکھنے کو ملا جو اس کھیل کی روایت بنا ہوا تھا ۔
پاکستانی اننگز کے 39ویں اوور میں ایک تماشائی میدان میں داخل ہوا اورکریز پر موجود شاداب خان کو سیلوٹ کیا جس کے بعد قومی آل راؤنڈر نے اسے گلے لگالیا۔
تماشائی خوشی خوشی واپس لوٹ گیا لیکن اس کے بعد پولیس نے اسے حراست میں لے لیا۔
دوسری جانب ملتان کی شدید گرمی میں انتظامیہ نے شائقین کے لیے مصنوعی بارش کا انتظام بھی کیا ۔
