مشی خان، عامر لیاقت پر بنائی گئی ویڈیوز پر معافی مانگتے ہوئے آبدیدہ ہوگئیں

اداکارہ مشی خان نے عامر لیاقت حسین کی زندگی میں ان پر کی جانے والی تنقید پر معافی مانگ لی۔

مشی خان نے گزشتہ کچھ روز میں اپنے انسٹاگرام پر شیئر کردہ ویڈیوز میں عامر لیاقت حسین کو سخت تنقید کا نشانہ بنایا تھا جب کہ اب اداکارہ نے ان کے دنیا سے چلے جانے کے بعد ایک ویڈیو شیئر کی ہے۔

اداکارہ نے ویڈیو میں کہا کہ میرے دل پر 2 دن سے بوجھ ہے، مجھے ان کی وفات پر بہت دکھ اور افسوس ہے، میں بہت شرمندہ ہوں اور ساتھ ہی معذرت بھی کرنا چاہوں گی، وہ اس دنیا میں نہیں ہیں، میرے دل پر بوجھ تھا اسی لیے ویڈیو نہیں بنا سکی۔

مشی خان نے کہا کہ 'انسان جذبات میں آکر کافی کچھ غلط کر جاتا ہے، میرے اس رویے کی وجہ شاید یہ تھی کہ میں انہیں ان کی شخصیت اور  معلومات کی وجہ سے کافی پسند کرتی تھی، اسی لیے جب سوشل میڈیا پر ان کے خلاف باتیں کی گئیں تو میں بھی بول گئی'۔

'ویڈیوز میں میرے الفاظ کا انتخاب غلط تھا، مجھ سے غلطی ہوئی'

اداکارہ نے کہا کہ 'ویڈیوز میں میرے الفاظ کا انتخاب غلط تھا، مجھ سے غلطی ہوئی، آج تک میں نے کسی کے لیے ویڈیو نہیں بنائی، پتہ نہیں ان کے لیے کیوں بنا دی تھی '۔

مشی خان کا مزید کہنا تھا کہ 'لوگ بھی آپ کو ان کاموں کے لیے اکساتے ہیں، انہوں نے کہا کہ دیکھیں عامر لیاقت نے آپ کے لیے کچھ لکھا ہے تو میں نے بھی ویڈیو بنا ڈالی، ایک اتنا ذہین شخص جب یوں دنیا سے چلا جائے تو یہ واقعی دکھ کی بات ہے'۔

اداکارہ معافی مانگتے ہوئے اپنے آنسوؤں پر کنٹرول نہ کرسکیں اور انہوں نے کہا کہ 'میں دل سے معذرت خواہ ہوں، میں نے ان کے مداحوں سمیت اہلخانہ کا دل دکھایا ہے، مجھے معاف کردیں، میں اپنے اس عمل کے لیے اللہ تعالیٰ سے بھی معافی مانگوں گی'۔

مشی خان نے اپنی پوسٹ کے کیپشن میں بتایا کہ وہ عامر لیاقت کی یوں اچانک موت پر صدمے میں ہیں۔

'آپ ناگن ڈانس اور شادیوں کے سوا کچھ نہیں کرسکتے'، مشی خان کا عامر لیاقت پر جوابی وار

آپ اپنی دھمکیاں اپنے پاس رکھیں، مجھے آپ جیسے لوگوں کو اچھا جواب دینا آتا ہے: اداکارہ

’آپ جلد پاکستان سے چلے جائیں‘، مشی خان کی عامر لیاقت پر کڑی تنقید

ٹوئٹر پر مشی خان نے ایک ویڈیو پیغام جاری کرتے ہوئے عامر لیاقت کے پاکستان چھوڑنے کے اعلان سے متعلق بیان پر انہیں تنقید کا نشانہ بنایا۔