بچوں کی خواہش نہیں کیونکہ دنیا میں بہت سے بچے ہیں: اداکارہ نادیہ

پاکستانی اداکارہ نادیہ افگن نے پہلی مرتبہ اپنی نجی زندگی سے متعلق گفتگو کی ہے۔

اداکارہ حال ہی میں نجی ٹی وی کے ایک پروگرام میں شریک ہوئیں اور کیرئیر سمیت اپنی نجی زندگی کے حوالے سے بھی بات کی، اداکارہ نے میزبان احسن کے سوال پر بتایا کہ میری اور جواد جودی کی شادی کو جون میں 15 سال کا عرصہ ہوا ہے، ہم دونوں کی بہترین انڈر اسٹینڈنگ ہے اور آج میں ٹھنڈے مزاج کی بھی اپنی شوہر کی وجہ سے ہوں۔

دو حمل ضائع اور 3 مرتبہ بے اولادی کے علاج سے گزری ہوں: نادیہ افگن

اداکارہ کے انٹرویو کے ویڈیو کلپس سوشل میڈیا پر وائرل ہوئے تو لوگوں نے اسے غلط انداز سے لیا اور اداکارہ کو سخت تنقید کا نشانہ بنایا

بچوں سے متعلق سوال پر اداکارہ نے بتایا کہ ہمارے پاس دو کتے ہیں بچے نہیں ہیں، ایک بار میں نے بچوں سے متعلق سوچا لیکن منصوبہ بندی نہیں کی کیوں کہ میں بچوں کے مستقبل کے حوالے سے خاصی خوفزدہ ہوں، میں اپنے بھائی کے بچوں کے حوالے سے  بھی خاصی پریشان رہتی ہوں۔

میزبان احسن نے سوال کیا کہ آپ کے بچے نہ ہونا کیا آپ کا اپنا انتخاب ہے؟ جس پر اداکارہ کا کہنا تھا کہ جی ہاں ! ایک بار ہم نے سوچا کہ ہمارے اپنے بھی بچے ہونے چاہئیں لیکن پھر میں نے سوچا کہ دنیا میں بہت سے بچے ہیں۔