15 جون ، 2022 
کیا پیوٹن کو زیادہ دیر کھڑے رہنے میں مشکل پیش آتی ہے؟
15 جون ، 2022
روسی صدر ولادی میر پیوٹن کی صحت کی خرابی کے حوالے سے ایک اور ویڈیو سامنے آئی ہے۔
سوشل میڈیا پر روس کے صدر پیوٹن کی ایک ویڈیو وائرل ہورہی ہے جس میں انہیں پوڈیم پر تقریر کے دوران کچھ پریشانی میں دیکھا گیا۔
تقریر کے دوران پیوٹن کی ٹانگوں کو کپکپاتے اور ہلتے دیکھا جاسکتا ہے۔
غیر ملکی میڈیا نے اس ویڈیو کو تشویشناک قرار دیا اور دعویٰ کیا کہ ’پیوٹن کے ڈاکٹرز نے انہیں مشورہ دیا ہے کہ وہ اپنی خراب صحت کی وجہ سے عوامی تقاریب میں زیادہ دیر رکنے سے گریز کریں‘۔
پیوٹن کی ویڈیو وائرل ہونےکے بعد ان کی صحت کے حوالے سے چلنے والی خبروں میں تیزی آگئی ہے۔
اس سے قبل بھی پیوٹن کی پارکنسنز کی بیماری میں مبتلا ہونے کی خبریں سامنے آچکی ہے اور اس بیماری میں انسان اپنے اعضاء کا توازن برقرار نہیں رکھ پاتا۔
ایک رپورٹ میں کہا گیا تھا کہ پیوٹن میں 18 ماہ قبل پیٹ کے کینسر اور دماغی بیماری پارکنسنز کی تشخیص ہوئی تھی جب کہ ان میں شیزوفرینیا کی علامات بھی ہیں۔
خیال رہے کہ روسی صدارتی محل ہمیشہ سے پیوٹن کی خراب صحت کے حوالےسے خبروں کی تردید کرتا رہا ہے۔
مزید خبریں :
اردن نے جماعت الاخوان المسلمین پر پابندی عائد کردی
3 گھنٹے پہلے
ترکیہ میں6.2 شدت کے زلزلےکےجھٹکے
4 گھنٹے پہلے
اسرائیلی فوج کے غزہ پر حملے جاری، مزید 32 فلسطینی شہید ہوگئے
23 اپریل ، 2025
