امریکی فیڈرل ریزرو نے شرح سود میں 75 بیسز پوائنٹس کا اضافہ کردیا

امریکی فیڈرل ریزرو نے شرح سود  میں 75 بیسز پوائنٹس کا اضافہ کردیا۔

امریکی فیڈرل ریزرو کی اوپن مارکیٹ کمیٹی کا اجلاس دو روز جاری رہا جس میں شرح سود بڑھانے کا فیصلہ کیا گیا۔

امریکا میں مہنگائی نے 41 سالہ ریکارڈ توڑدیا

امریکی صدر جو بائیڈن کی انتظامیہ نے روسی ہم منصب ولادیمیر پیوٹن کے یوکرین پر حملے کو الزام ٹھہرا کر مہنگائی میں اضافے پر ہونے والی تنقید سے بچنے کی کوشش کی۔

رپورٹس کے مطابق فیڈرل ریزرو نے امریکا میں تاریخی مہنگائی کا مقابلہ کرنے کیلئے شرح سود میں 75 بیسز پوائنٹس کا اضافہ کیا ہے جس کے بعد شرح سود 1.75 فیصد ہوگئی ہے۔

رپورٹس میں کہا گیا ہے کہ شرح سود میں 75 بیسز پوائنٹس کا اضافہ گزشتہ 30 سالوں میں بڑھائی گئی سب سے زیادہ شرح ہے۔

خیال رہے کہ امریکا میں اشیائے ضروریہ کی قیمتوں میں مئی کے مقابلے میں8.6 فیصد اضافہ ہوا ہے اور یہ قیمتیں 40 سال کی بلند ترین سطح پر ہیں۔