19 جون ، 2022 
سدھو موسے والا کے قاتل گینگ کا کرن جوہر سے بھتہ وصولی کے منصوبے کا انکشاف
19 جون ، 2022
بھارت کے آنجہانی گلوکار سدھو موسے والا کے قتل کا منصوبہ بنانے والے لورنس بشنوئی گینگ کے ایک بندے نے انکشاف کیا کہ معروف فلم ساز کرن جوہر بھی ان لوگوں کی فہرست میں شامل تھے جس سے گینگ نے بھتہ وصول کرنا تھا۔
ٹائمز آف انڈیا کی رپورٹ کے مطابق سدھو موسے والا کا شوٹر سنتوش جادھو کا قریبی ساتھی سدھیش کامبلے عرف ماہاکل جو ایک اور مقدمے میں پونے پولیس کی تحویل میں ہے، اسی نے سدھو کے قتل کی سازش کے بارے میں پولیس کو معلومات فراہم کیں۔
تاہم اب اس نے انکشاف کیا کہ کرن جوہر کا نام بھی اس فہرست میں شامل تھا جن سے 5 کروڑ بھتہ لینےکا منصوبہ بنایا گیا تھا، گینگ نے دھمکیاں دے کر کرن جوہر سے پانچ کروڑ روپے وصول کرنے تھے۔
سدھیش نے پولیس کو بتایا کہ کینیڈا میں مقیم گینگسٹر گولڈی برار کے بھائی وکرم برار نے میرے ساتھ انسٹاگرام پر ان منصوبوں پر بات کی تھی۔
دوسری جانب پولیس ترجمان کا کہنا ہے کہ اس معاملے پر مزید تفتیش کی جارہی ہے کیونکہ ہمیں شبہات ہیں کہ سدھیش نے کرن جوہر کے حوالے سے غلط بیان دیا ہو کیونکہ ایسے موقعوں پر ملزمان شیخی بھگارنے کے لیے اس قسم کے جھوٹ بولتے ہیں۔
واضح رہےکہ اس سے قبل اداکار سلمان خان اور ان کے والد سلیم خان کو بھی مبینہ طور پر جان سے مارنے کی دھمکی دی گئی تھی جس کے بعد دونوں کی سکیورٹی بڑھادی گئی تھی، بعدازاں معلوم ہوا کہ لورنس بشنوئی کا گینگ ملک کے بڑے تاجروں اور اداکاروں سے پیسے بٹورنے کی تیاری کر رہا تھا۔
مزید خبریں :
سائرہ بانو نے اے آر رحمان سے علیحدگی پر خاموشی توڑ دی
24 نومبر ، 2024
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
