ویڈیو: خوشگوار موسم میں شاہین اور شاہد آفریدی کے درمیان میچ

اسلام آباد سمیت ملک کے مختلف علاقوں میں بارشوں کا سلسلہ جاری ہے جس نے موسم خوشگوار کردیا ہے اور ایسے میں قومی کرکٹر بھی موسم کا مزہ لیے بنا نہ رہ سکے۔

سابق کپتان  شاہد آفریدی نے ہونے والے داماد اور فاسٹ بولر  شاہین  شاہ آفریدی اور حارث رؤف کے ساتھ اسلام آباد کا موسم انجوائے کیا۔

ان کی ویڈیو میں شاہین آفریدی کو خوبصورت موسم میں  شاہد آفریدی کو بولنگ  کرواتے دیکھاجاسکتا ہے۔

مستقبل کے سسر اور داماد کے درمیان اسنوکر مقابلہ ، ویڈیو وائرل

چند سیکنڈز کی ویڈیو شیئر کرتے ہوئے شاہین نے شاہد آفریدی کو ٹیگ کرتے ہوئے ٹوئٹ کی کہ ’فیملی فن ٹائم‘۔

تینوں کرکٹرز  نے اسلام آباد کے خوشگوار موسم سے محظوظ ہوتے  ہوئے سوشل میڈیا پر تصویر بھی شیئر کی۔

یاد رہے کہ گزشتہ روز  شاہین آفریدی اور شاہد آفریدی  کی  اسلام آباد کے مقامی ہوٹل میں اسنوکر کھیلتے ہوئے ویڈیو بھی سامنے آئی تھی۔