25 جون ، 2022 
ویڈیو: شادی کب کریں گے؟ لڑکی کا فہیم اشرف سے سوال
25 جون ، 2022
قومی ٹیم کے آل راؤنڈر فہیم اشرف سے ان کی خاتون مداح نے شادی سے متعلق سوال کیا۔
فہیم اشرف نے جیو نیوز کے پروگرام 'ہنسنا منع ہے' میں شرکت کی جس میں ان سے کچھ مداحوں نے دلچسپ سوال پوچھے۔
وہیں مناہل نامی ایک خاتون نے سوال کیا کہ 'آپ کے باقی دوستوں نے تو شادی کرلی لیکن آپ کا شادی کے بارے میں کیا خیال ہے؟'
جواب میں فہیم نے بے ساختہ کہا کہ 'ابھی تو شاداب خان کی بھی نہیں ہوئی'
کرکٹر نے کہا کہ 'بس شادی کے لیے آپ دعا کریں، اب دعاؤں پر ہی ساری امیدیں ہیں'۔
شو کے میزبان تابش ہاشمی نے پوچھا کہ 'مناہل آپ نے یہ سوال ان سے کیوں پوچھا ، کیا آپ کا کیٹرنگ کا کام ہے؟' جواب میں مداح نے کہا کہ 'ویسے ہی میرے ذہن میں یہ خیال آیا کہ حسن علی سمیت سب کی شادیاں ہوگئیں'۔
فہیم اشرف نے جواب میں مزید کہا کہ 'میں بس اپنے دوستوں کو دیکھ رہا ہوں کہ وہ کیسے رہ رہے ہیں، میں ان سے تجربہ حاصل کررہا ہوں، دیکھ رہا ہوں کہ کہیں شادی زیادہ مشکل کام تو نہیں ہے'۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
