اسحاق ڈار کو نیا پاسپورٹ مل گیا، پاکستان واپسی کی تیاریاں بھی مکمل: ذرائع

ن لیگ کے رہنما اور سابق وزیر خزانہ اسحاق ڈار کو نیا پاکستانی پاسپورٹ مل گیا۔

اسحاق ڈار نے وطن واپسی کی تیاریوں کی تصدیق کردی

اگلے ماہ پاکستان واپسی کی تیاری کر رہا ہوں، سینیٹر کا حلف اٹھاؤں گا، ن لیگی رہنما کی برطانوی نشریاتی ادارے سے گفتگو

قابل اعتماد ذرائع کا دعویٰ ہے کہ لندن میں موجود اسحاق ڈار جولائی کے تیسرے ہفتے میں پاکستان جائیں گے اور اس حوالے سے سفری تیاریاں مکمل کر لی گئی ہیں۔

ذرائع کا مزید کہنا ہے کہ مسلم لیگ ن کے قائد نواز شریف نے اسحاق ڈار کو پاکستان جانے کی اجازت دے دی ہے، وزیراعظم شہباز شریف نے انہیں پاکستان آکر معاشی ٹیم کا حصہ بننے کا کہا تھا۔

ذرائع کے مطابق اسحاق ڈار  واپس آکر اپنے خلاف بنائے گئے مقدمات کا بھی سامنا کریں گے اور اس سلسلے میں قانونی ٹیم تشکیل دے دی گئی ہے۔

اسحاق ڈار نے ہتک عزت کیس میں جیتی رقم شریف ٹرسٹ کو عطیہ کردی

خیراتی رقم سے میڈیکل ٹرسٹ میں مستحق غریبوں کا علاج کیا جائے گا۔

ذرائع کے مطابق اسحاق ڈار  پاکستان پہنچتے ہی سینیٹر کی ذمہ داریاں سنبھال لیں گے، کمر میں تکلیف کا علاج کرنے والے ہارلے اسٹریٹ کے ڈاکٹرز نے بھی اسحاق ڈار کو سفر کی اجازت دے دی ہے۔

خیال رہے کہ اسحاق ڈار ستمبر  2018 سے لندن میں مقیم ہیں، تحریک انصاف کی حکومت نے اسحاق ڈار اور ان کی اہلیہ کے پاسپورٹس منسوخ کردیے تھے۔