پاکستان
28 جون ، 2022

اسحاق ڈار نے وطن واپسی کی تیاریوں کی تصدیق کردی

اگلے ماہ پاکستان واپسی کی تیاری کر رہا ہوں، سینیٹر کا حلف اٹھاؤں گا، ن لیگی رہنما کی برطانوی نشریاتی ادارے سے گفتگو— فوٹو: فائل
اگلے ماہ پاکستان واپسی کی تیاری کر رہا ہوں، سینیٹر کا حلف اٹھاؤں گا، ن لیگی رہنما کی برطانوی نشریاتی ادارے سے گفتگو— فوٹو: فائل

پاکستان مسلم لیگ ن کے رہنما اسحاق ڈار نے اس بات کی تصدیق کردی ہے کہ وہ پاکستان واپس آنے کی تیاری کر رہے ہیں اور واپس آکر سینیٹر کے عہدے کا حلف اٹھائیں گے۔

برطانوی نشریاتی ادارے سے گفتگو کرتے ہوئے اسحاق ڈار نے کہا کہ اگلے ماہ پاکستان واپسی کی تیاری کر رہا ہوں، سینیٹر کا حلف اٹھاؤں گا، اگلے ماہ پاکستان واپسی کا ارادہ تقریباً کنفرم ہے، صحت کو درپیش چند مسائل کا علاج اگلے 10 سے 12 روز میں مکمل ہونے کی توقع ہے۔

اسحاق ڈار نے مزید کہا کہ ڈاکٹرز  اگلے چند روز میں علاج کے مکمل ہونے کے بارے میں پُرامید ہیں، پاکستان میں عمران نیازی کی جانب سے دائر کیا جانے والا کیس جعلی مقدمہ ہے، کیس میرے ٹیکس ریٹرنز پر بنایا گیا،ٹیکس ریٹرنز جمع کرانےمیں کبھی تاخیر نہیں کی۔

اسحاق ڈار نے مزید کہا کہ کیس میں جان ہی نہیں تھی اس لیے انٹرپول نے مجھے کلین چِٹ دے دی تھی، میرے وزیر خزانہ کا قلمدان سنبھالنے سے متعلق  فیصلہ پارٹی اور قیادت کا ہوگا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM