زارا نور نے عالیہ کی حمایت کردی

اداکارہ زارا نور عباس بالی وڈ اداکارہ عالیہ بھٹ کے امید سے ہونے کے بعد بھارتی میڈیا پر گردش کرتی افواہوں سے متعلق بول پڑیں۔

جب عالیہ بھٹ نے انسٹاگرام پر امید سے ہونے کی خبر دی تو بھارتی میڈیا پر خبریں آئیں کہ عالیہ نے اپنا حمل اسی طرح پلان کیا تھا کہ ان کی شوٹنگ کی تاریخوں میں رکاوٹ نہ ہو اور عالیہ کو ان کے شوہر رنبیر بیرونِ ملک لینے جائیں گے اور پھر وہ واپس ممبئی آئیں گی۔

'عورت ہوں پارسل نہیں'، عالیہ بھٹ جھوٹی خبروں پر برس پڑیں

کچھ لوگوں کے ذہنوں میں ہم اب بھی ایک پدرانہ معاشرے میں رہتے ہیں: عالیہ بھٹ

ان خبروں پر اداکارہ نے سخت ردعمل کا اظہار کیا اور اب اداکارہ زارا نور عباس نے بھی اسی حوالے سے اظہارِ خیال کیا ہے۔

زارا نے اپنی انسٹاگرام اسٹوری پر لکھا کہ 'میں سمجھتی تھی کہ شاید پاکستان کے لوگ ہی ایسی ذہنیت رکھتے ہیں، خاص طور پر جب برانڈز نے مجھے کام دینا بند کردیا کیونکہ انہیں پتا چلا تھا کہ میں امید سے ہوں'۔

اداکارہ نے کہا کہ 'جب اداکارہ کے ہاں بچے کی آمد متوقع ہو تو معاشرہ سمجھتا ہے کہ  اب یہ کسی کام کے قابل نہیں ہے، خواتین ہر چیز اور کام میں ماہر ہوتی ہیں، وقت آگیا ہے کہ اپنا فیصلہ دوسروں پر تھوپنے والوں کو یہ بات سمجھ آ جائے‘۔