دنیا
30 جون ، 2022

’روسی صدر خاتون ہوتے تو جنگ نہ کرتے‘: برطانوی وزیراعظم کے بیان پر پیوٹن کا جواب آگیا

روسی صدر ولادیمیر پیوٹن کا کہنا ہے کہ برطانوی وزیراعظم کی طرف سےخاتون کے جنگ نہ کرنے کا حوالہ درست نہیں ہے: فوٹو: فائل
روسی صدر ولادیمیر پیوٹن کا کہنا ہے کہ برطانوی وزیراعظم کی طرف سےخاتون کے جنگ نہ کرنے کا حوالہ درست نہیں ہے: فوٹو: فائل

برطانوی وزیر اعظم بورس جانسن کی جانب سے دیے گئے بیان پر رد عمل دیتے ہوئے روسی صدر  ولادیمیر  پیوٹن کا کہنا ہے کہ برطانوی وزیراعظم کی طرف سےخاتون کے جنگ نہ کرنے کا حوالہ درست نہیں ہے۔

برطانوی وزیر اعظم بورس جانسن نےگزشتہ روز کہا تھا کہ پیوٹن خاتون ہوتے تو  یوکرین کے خلاف جنگ نہ چھیڑتے۔

اب روسی صدر پیوٹن نے بورس جانسن کو اپنے جواب میں سابق برطانوی وزیراعظم مارگریٹ تھیچر کے 40 سال  پہلے کے جنگی فیصلےکاحوالہ دے دیا۔

انہوں نے  کہا کہ مارگریٹ تھیچر نے فاک لینڈ جزائر کے لیے ارجنٹائن کےخلاف فوجی آپریشن شروع کرنے کا فیصلہ کیا تھا۔

انہوں نے کہا کہ ارجنٹائن کیخلاف فوجی کارروائی شروع کرنےکا فیصلہ ایک خاتون نے کیا تھا۔

روسی صدر نے مزید کہا کہ فاک لینڈ جزائر کہاں اوربرطانیہ کہاں  لیکن ارجنٹائن پر فوجی کارروائی کے پیچھے تھیچرکے سامراجی عزائم تھے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM