بلوچستان میں مون سون کا آغاز، آسمانی بجلی گرنے سے 2 افراد جاں بحق، 6 زخمی

 بلوچستان  کے علاقےتمبو میں گرج چمک اور تیز ہواؤں کے ساتھ موسلادھار بارش ہوئی جبکہ  آسمانی بجلی گرنے سے 2 افراد جاں بحق ہوگئے۔

 رپورٹس کے مطابق آسمانی بجلی گرنے کے واقعات بلوچستان کے ضلع کوہلو کی سب تحصیل تمبو کے مختلف مقامات پر پیش آئے جس میں 2 افراد جاں بحق  اور 6 زخمی ہوگئے۔

لیویز حکام کا کہنا ہے کہ زخمیوں میں خواتین اور بچے بھی شامل ہیں جنہیں ڈی ایچ کیو اسپتال منتقل کردیا گیا ہے ۔

اس کے علاوہ بارشوں اور تیز ہواؤں کی وجہ سے کئی علاقوں میں بجلی کے کھمبے گر گئے اور سپلائی معطل ہوگئی جبکہ  نشیبی علاقے زیر آب آگئے۔

رپورٹس کے مطابق بارش کی وجہ سے سیلابی صورتحال کے سبب رابطہ سڑکوں پر آمدورفت متاثر ہو گئی۔

کراچی میں تیز بارش کب سے ہوگی؟ محکمہ موسمیات نے پیشگوئی کردی

کراچی میں آج اور کل مطلع جزوی ابر آلود رہنے اور صبح اور رات ہلکی بارش کا امکان ہے: محکمہ موسمیات

اس کے علاوہ مظفرآبادمیں بھی بارش ہوئی،سڑکوں پرپانی جمع ہونے کی وجہ سے گاڑیاں اور موٹرسائیکلیں پھنس گئیں۔

دوسری جانب کراچی کے مختلف علاقوں میں  بھی رات گئے بارش ہوئی جس سے موسم خوشگوار ہوگیا۔