02 جولائی ، 2022 
پاکستان
محکمہ موسمیات نے آج شام سے کراچی میں آندھی اور موسلادھار بارش کی پیش گوئی کی تھی— فوٹو: فائل
کراچی میں آندھی کا امکان نہیں: محکمہ موسمیات
02 جولائی ، 2022
محکمہ موسمیات نے آج شام سے کراچی میں آندھی اور موسلادھار بارش کی پیش گوئی کی تھی تاہم اب اس حوالے سے محکمہ موسمیات کے چیف میٹرولوجسٹ سردار سرفراز کا کہنا ہے کہ کراچی میں اب آندھی کا امکان نہیں، شہر میں آج ہلکی بارش کا امکان ہے۔
انہوں نے کہا کہ مشرقی سندھ میں مون سون سسٹم کا کچھ حصہ زمین پر اورکچھ سمندر میں ہے، سسٹم کو خلیج بنگال سے وہ سپورٹ نہیں مل رہی جس کی امید تھی۔
سردار سرفراز نے کہا کہ کراچی میں کل تیز بارش سے متعلق موسمیاتی جائزے کے بعد مزید پیش گوئی کی جائے گی۔
