ایران: بغیر حجاب آنے والی خواتین گاہکوں کی وجہ سے تین کیفے بند کر دیے گئے

ایرانی شہر قُم میں بنا حجاب آنے والی خواتین گاہکوں کی وجہ سے تین کیفے بند کر دیے گئے۔

ایرانی پاسداران انقلاب کی جانب سے جاری بیان کے مطابق قُم شہرمیں 3 کافی شاپس کو متعدد خلاف ورزیوں کی بناء پربند کیا گیا ہے، ان خلاف ورزیوں میں خواتین گاہکوں کے بنا حجاب آنے سمیت دیگر معاملات شامل ہیں۔

ایرانی سپریم لیڈر نے خواتین کارٹون کریکٹرز کیلیے بھی حجاب لازمی قرار دیدیا

ایران کے سپریم لیڈر آیت اللہ خامنہ ای نے اینیمیٹڈ فلم انڈسٹری اور کارٹون انڈسٹری سے متعلق ایک بیان جاری کیا: عرب میڈیا

بیان کے مطابق قانونی کارروائی سے قبل کیفے مالکان کو پولیس کی جانب سے طلب کیا گیا تھا۔

واضح رہے ایران میں 1979 کے انقلاب کے بعد عورتوں پر  پردہ کرنا لازم قرار دیا گیا تھا، حال ہی میں حکومت کی جانب سے حجاب نہ کرنے والی خواتین کے خلاف کارروائیوں میں اضافہ دیکھا جا رہا ہے۔