نیوزی لینڈ کا خواتین کرکٹرز کو مردوں کے برابر معاوضہ دینے کا فیصلہ

نیوزی لینڈ کی خواتین کرکٹرز کو مرد کرکٹرز کے برابر معاوضہ دینے کا فیصلہ کرلیا گیا۔

غیر ملکی میڈیا رپورٹس کے مطابق نیوزی لینڈ کرکٹ بورڈ کی جانب سے ایک  تاریخی معاہدہ طے ہونے کے بعد مرد اور خواتین کرکٹرز کو تمام فارمیٹس اور مقابلوں کیلئے یکساں معاوضہ دیا جائے گا۔

اطلاعات کے مطابق نیوزی لینڈ کرکٹ،6  بڑی ایسوسی ایشنز اور پلیئرز یونین کے درمیان طے پانے والے 5 سالہ معاہدے  کے بعد  قومی اور ڈومیسٹک  ٹیموں کی خواتین کرکٹرز کو  یکم اگست سے مرد کرکٹرز کے برابر میچ فیس دی جائے گی۔

نیوزی لینڈ کرکٹ کے سربراہ  ڈیوڈ وائٹ کا کہنا ہے کہ کھیل کیلئے یہ ایک اہم معاہدہ ہے۔

امریکی خواتین فٹبالرز کو مردوں کے برابر معاوضہ دینے کا فیصلہ

نئے معاوضے کا معاہدہ 2028 تک چلیں گا جس میں ورلڈ کپ کی برابری انعامی رقم بھی شامل ہے، امریکی ساکر فیڈریشن

اس کے علاوہ معاہدے کے تحت 54 کے بجائے اب ڈومیسٹک  ٹیموں کی 74 خواتین کرکٹرز کو کنٹریکٹ دیے جائیں گے۔

دوسری جانب نیوزی لینڈ ویمنز ٹیم کی کپتان سوفی ڈیوائن نے معاہدے کو 'گیم چینجر' قرار دیتے ہوئے کہا ہے کہ 'یہ ایک بہت بڑا قدم ہے'۔