نانگا پربت سے واپسی پر لاپتہ ہونے والے کوہ پیما شہروز بحفاظت کیمپ 3 پہنچ گئے

لاہور: نانگا پربت چوٹی سر کرنے کے بعد واپسی کے سفر کے دوران لاپتہ ہونے والے کم عمر پاکستانی کوہ پیما شہروز کاشف کیمپ تھری پہنچ گئے۔

جیو نیوز سے گفتگو کرتے ہوئے شہروز کاشف کے والد کاشف سلمان نے بتایا کہ شہروز کاشف چوتھے سے تیسرے کیمپ میں آتے دکھائی دیے تھے۔

کاشف سلمان نے کہا کہ شہروز اور ان کے ساتھی کی کسی نے مدد نہیں کی، شہروز کاشف اور ان کے ساتھی اپنی مدد آپ کے تحت کیمپ تھری پہنچے۔

گزشتہ روز نانگا پربت سر کرنیوالے نوجوان شہروز کاشف کا واپسی پر والدین سے رابطہ منقطع

نانگا پربت سے واپسی پر شہروز کاشف سے ٹریکر کے ذریعے 7350 فٹ بلندی تک رابطہ تھا ،اس کے بعد کوہ پیما سے کوئی رابطہ نہیں ہوا، والد

والد شہروز کاشف نے مزید کہا کہ بیٹے اور ان کے ساتھی کو ریسکیو نہیں کیا گیا۔

یاد رہے کہ شہروز کاشف نے گزشتہ صبح نانگاپربت چوٹی سر کی تھی اور شہروز کاشف نے نانگاپربت چوٹی سر کرنے والے کم عمر ترین کوہ پیما ہونے کا اعزاز حاصل کیا تھا۔

شہروز کاشف دنیا کی 8000 میٹر سے بلند 14 چوٹیوں میں سے 8 کو سر کر چکے ہیں اور کم عمر ترین پاکستانی کوہ پیما بھی ہیں۔