بھارتی مسلمان صحافی محمد زبیر کی عبوری ضمانت منظور

بھارتی سپریم کورٹ نے مسلمان صحافی، آلٹ نیوز کے شریک بانی محمد زبیرکی عبوری ضمانت منظورکرلی ہے اور الہ آباد ہائی کورٹ کے حکم کو چیلنج کرنے والی محمد زبیر کی درخواست پر  یو پی پولیس کو  نوٹس جاری کر دیا ہے۔

بھارتی میڈیا کے مطابق سپریم کورٹ نے محمد زبیر کو 5 دن کے لیے عبوری ضمانت اس شرط پر دی ہے کہ وہ اس معاملے سے متعلق کوئی تازہ ٹوئٹ نہیں کریں گے اور سیتا پور مجسٹریٹ کی عدالت کا دائرہ اختیار نہیں چھوڑیں گے۔

بھارتی عدالت نے مسلمان صحافی کی درخواست ضمانت رد کرکے جیل بھیج دیا

آلٹ نیوز کے شریک بانی محمد زبیر کو دہلی پولیس نے 2018 میں پوسٹ کی گئی ایک ٹوئٹ کے ذریعے مذہبی جذبات کو ٹھیس پہنچانے کے الزام میں گرفتار کیا تھا

خیال رہے کہ کہ آلٹ نیوز کے شریک بانی محمد زبیر کو پٹیالہ کی عدالت نے 14 روزہ جوڈیشل ریمانڈ پر جیل بھیجنے کا فیصلہ سنایا تھا، محمد زبیر کو دہلی پولیس نے 2018 میں پوسٹ کی گئی ایک ٹوئٹ کے ذریعے مذہبی جذبات کو ٹھیس پہنچانے کے الزام میں گرفتار کیا تھا۔