کراچی کے چار انڈر پاسز بارش کے پانی کے باعث ٹریفک کیلئے بند

کراچی کے چار انڈر پاسز بارش کے پانی کی نکاسی نہ ہونے کے باعث ٹریفک لیے بند ہیں۔

ٹریفک پولیس کے مطابق، کے پی ٹی انڈر پاس، 3 تلوار انڈرپاس اور سب میرین انڈر پاس میں بارش کا پانی جمع ہے جس کے باعث تینوں انڈر پاسز  کو ٹریفک کے لیے بند رکھا گیا ہے۔

اس کے علاوہ غریب آباد انڈر پاس میں بھی بارش کا پانی جمع ہونے سے ٹریفک کی آمدورفت بند ہے۔

ٹریفک پولیس کا بتانا ہےکہ انڈرپاسز بند ہونے پر ٹریفک کو متبادل راستوں سے گزارا جارہا ہے۔

کراچی میں گزشتہ 24گھنٹوں میں ہونیوالی بارش کا ڈیٹا جاری

ڈسٹرکٹ کورنگی میں 191 ملی میٹر، ڈسٹرکٹ ساؤتھ 132، ڈسٹرکٹ سینٹرل 129.8، ڈسٹرکٹ ملیر 98 اور ڈسٹرکٹ ویسٹ میں 53.9 ملی میٹر بارش ریکارڈ کی گئی۔

14 جولائی سے موسلادھار بارشیں، کراچی سمیت سندھ بھر کیلئے نئی ایڈوائزری جاری

سندھ میں بارشوں سے کراچی، حیدرآباد، میرپورخاص نوابشاہ، جیکب آباد اور سکھر میں اربن فلڈنگ کا خدشہ ہے: محکمہ موسمیات