14 جولائی ، 2022 
سری لنکا میں ایشیا کپ کرکٹ کے انعقاد کا حتمی فیصلہ کل ہوگا
14 جولائی ، 2022
رواں سال سری لنکا میں شیڈول ایشیا کپ کرکٹ کے انعقاد کا حتمی فیصلہ کل ہوگا۔
کرکٹ سری لنکا کے سیکرٹری موہن ڈی سلوا کا کہنا ہے کہ ایشین کرکٹ کونسل ایونٹ کے انعقاد سے متعلق کل فیصلہ کرے گی۔
موہن ڈسلوا کا کہنا ہے کہ ہم نے آسٹریلیا کی میزبانی کی،پاکستان ٹیم بھی اس وقت سری لنکا میں ہے، ملک میں کشیدہ سیاسی صورتحال کے باوجود ایونٹ کے انعقاد کے لیے پرعزم ہیں۔
سیکرٹری کرکٹ سری لنکا کے مطابق ایشیا کپ کو سری لنکا سے کہیں اور منتقل کرنے کا کوئی دباؤ نہیں ہے۔
واضح رہے کہ اس سے قبل گزشتہ دنوں یہ خبر سامنے آئی تھی کہ سری لنکا میں سیاسی کشیدگی کے باعث بنگلادیش نے ایک بار پھر ایشیا کپ کرکٹ ٹورنامنٹ کی میزبانی کیلئے تیاریاں شروع کردی ہیں۔
یاد رہے کہ ایشیا کپ کرکٹ ٹورنامنٹ رواں سال 27 اگست سے 11 ستمبر تک سری لنکا میں شیڈول ہے۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
