15 جولائی ، 2022 
فیس بک میں ایک اکاؤنٹ میں کئی پروفائلز ایڈ کرنے کا فیچر
15 جولائی ، 2022
فیس بک نے صارفین کو ایک بڑی سہولت فراہم کرنے کا فیصلہ کیا ہے۔
میٹا کی زیرملکیت سوشل میڈیا پلیٹ فارم کے ایک قانون کے باعث صارفین کئی اکاؤنٹس بنا نہیں سکتے۔
مگر اب فیس بک کی جانب سے ایک نئے فیچر کی آزمائش کی جارہی ہے جس سے ایک اکاؤنٹ سے 5 پروفائلز منسلک کی جاسکیں گی۔
فیس بک کے مطابق ایک سے دوسری پروفائل پر سوئچ کرنا بہت آسان ہوگا۔
اس نئے فیچر کے تحت فیس بک صارفین اپنے مشاغل جیسے کھانا پکانا، سیاحت یا دیگر کے مطابق پروفائلز بناسکیں گے۔
اسی طرح وہ ایک الگ پروفائل بھی بناسکیں گے جو مخصوص دوستوں یا گھروالوں سے رابطے کے لیے ہوگی۔
فیس بک کو اس وقت مختلف ایپس جیسے ٹک ٹاک سے سخت مسابقت کا سامنا ہے، جس کے باعث میٹا کا سوشل میڈیا پلیٹ فارم لوگوں کی توجہ حاصل کرنے کے لیے ہرممکن کوششیں کررہا ہے۔
فیس بک کے مطابق صارفین کو پروفائلز کے لیے پلیٹ فارم کے قوانین کی پابندی کرنا ہوگی، یعنی مخصوص مواد جیسے نفرت انگیز مواد اور تشدد کی دھمکیوں وغیرہ کو پوسٹ کرنے کی اجازت نہیں ہوگی۔
ان پروفائلز کو کسی دوسرے فرد کے طور پر ظاہر کرنے کی اجازت نہیں ہوگی۔
فی الحال یہ نہیں بتایا گیا کہ یہ فیچر کب تک تمام صارفین کو دستیاب ہوگا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
