20 جولائی ، 2022 
ڈی جی نیب لاہور کی درخواست میں طیبہ گل کی فریق بننے کی درخواست پر نوٹس جاری
20 جولائی ، 2022
اسلام آباد ہائیکورٹ نے ڈی جی نیب لاہور شہزاد سلیم کی پبلک اکاؤنٹس کمیٹی کے خلاف درخواست میں متاثرہ خاتون طیبہ گل کے کیس میں فریق بننے کی متفرق درخوست پر نوٹس جاری کردیے۔
اسلام آباد ہائیکورٹ کے قائم مقام چیف جسٹس عامر فاروق نے ڈی جی نیب لاہور شہزاد سلیم کی پبلک اکاؤنٹس کمیٹی کےخلاف درخواست پر سماعت کی جس دوران متاثرہ خاتون طیبہ گل کی کیس میں فریق بننے کی متفرق درخواست پر بھی سماعت ہوئی۔
عدالت نے طیبہ گل کی وکیل سے سوال کیاکہ آپ کیسے متاثرہ فریق ہیں؟کیوں پارٹی بننا چاہتی ہیں؟ کسی اورکیس میں پارٹی بننے کا قانون کیا ہے؟ 2 طریقے ہیں وہ بتائیں، آپ پی اے سی کے سامنے شکایت کنندہ ہیں تویہاں پارٹی کیسے بن سکتی ہیں؟
بعد ازاں عدالت نے طیبہ گل کی ڈی جی نیب لاہورکی درخواست میں فریق بننے کی درخواست پرنوٹس جاری کردیے اور طیبہ گل کی وکیل کو آئندہ سماعت پر فریق بننے کی درخواست پردلائل دینے کی ہدایت کی۔
