برطانیہ کی ایڈریانا 8 ہزار میٹر سے بلند 10 چوٹیاں سر کرنیوالی کم عمر خاتون کوہ پیما بن گئیں
30 جولائی ، 2022
برطانیہ کی ایڈریانا براونلی 8 ہزار میٹر سے بلند 10 چوٹیاں سر کرنے والی کم عمر ترین کوہ پیما بن گئیں۔
21 سالہ برطانوی کوہ پیما نے گزشتہ روز دنیا کی دوسری بلند ترین چوٹی کے ٹو کو سر کیا، اس سے قبل ایڈریانا براونلی نے نانگا پربت اور براڈ پیک کو بھی سر کیا تھا۔
تاہم اب ایڈریانا کے ٹو سر کرنے والی کم عمر ترین برطانوی ماؤنٹینر بھی بن گئی ہیں۔
یاد رہے کہ پاکستان کے 20 سالہ شہروز کاشف اب تک8 ہزار میٹر سے بلند 10 چوٹیاں سر کر چکے ہیں۔
شہروز اور ایڈریانا تمام 14 بلند ترین چوٹی سر کرنے والے کم عمر کوہ پیماکے ریکارڈ کا تعاقب کر رہے ہیں تاہم شہروز کاشف ان دنوں گیشربرم ون اور ٹو سر کرنے کی مہم پر ہیں اور ایڈریانا براونلی بھی کے ٹو کے بعد گیشربرم کا رخ کریں گی۔
مزید خبریں :
ویمن کرکٹ ٹیم کیلئےحنا منور چیف سکیورٹی آفیسر تعینات
11 گھنٹے پہلے
