01 اگست ، 2022 
2 سالوں سے دیکھ رہی ہوں خلیل الرحمٰن ماہرہ کے پیچھے پڑے ہیں: ریشم
01 اگست ، 2022
پاکستان کی سینئر اداکارہ ریشم ماہرہ خان کی حمایت میں سامنے آگئیں۔
ریشم اداکار و ہدایتکار وسیم عباس کے ہمراہ جیو نیوز کے پروگرام 'ہنسنا منع ہے' میں شریک ہوئیں جس دوران پروگرام میں ایک مداح نے وسیم عباس اور ریشم سے خلیل الرحمٰن قمر سے متعلق اظہار خیال کا کہا۔
اداکارہ نے کہا کہ 'خلیل الرحمٰن کا کام بہت اچھا ہے، وہ اتنا اچھا اور اس پائے کا لکھتے ہیں کہ ان کے جیسے ڈائیلاگ ایک یا دو لوگ لکھتے ہوں گے، چاہتی ہوں اللہ انہیں اور عزت دے'۔
ریشم کا کہنا تھا کہ 'جب میں سوشل میڈیا پر پڑھتی ہوں کہ وہ ماہرہ خان جیسی قابل آرٹسٹ کے پیچھے پڑے رہتے ہیں کہ میں نے ان کو چانس دیا، بھئی آپ نے تو دیا ہی نہیں'۔
انہوں نے کہا کہ 'میں پچھلے 2 سال سے دیکھ رہی ہوں وہ ماہرہ کے پیچھے پڑے ہیں کہ میں نے ان کو ڈرامہ صدقے تمہارے دیا، آپ نے کہاں دیا آپ تو رائٹر تھے، ڈرامہ تو چینل اور پروڈیوسر نے دیا ہے'۔
ریشم کا کہنا تھا کہ 'اکثر ایسا ہوتا ہے کہ لوگ نام بنانے کے لیے بڑے نام کے ساتھ اپنا نام کسی طرح جوڑتے ہیں اور وہ بھی عورت کے ساتھ جوڑتے ہیں'۔
دوسری جانب وسیم عباس نے کہا 'میرے وہ بہت اچھے دوست ہیں، ہماری ایک دفعہ بہت سنگین لڑائی بھی ہوچکی ہے، ایسا نہیں ہوسکتا خلیل الرحمٰن کسی کے ساتھ کام کریں اور ان کی لڑائی نہ ہو'۔
مزید خبریں :
لاہور: اداکارہ نرگس نے شوہر کے خلاف مقدمہ درج کروا دیا
02 نومبر ، 2024
دپیکا نے بیٹی کا نام اور تصویر سوشل میڈیا پر شیئر کردی
01 نومبر ، 2024
نرگس پر شوہر کا مبینہ تشدد، اداکارہ تھانے پہنچ گئیں
01 نومبر ، 2024
ارجن سے بریک اپ کے بعد ملائیکہ کی ذومعنی پوسٹ
31 اکتوبر ، 2024
سلمان خان کو قتل کی دھمکی دیکر 2 کروڑ تاوان مانگنے والا ملزم گرفتار
31 اکتوبر ، 2024
