01 اگست ، 2022 
پاکستان
عدالت نے دونوں ملزمان کی عبوری ضمانت میں 17 اگست تک توسیع کر دی۔ فوٹو فائل
دعا زہرا کیس: ملزم ظہیر اور اس کے بھائی کی ضمانت میں توسیع
01 اگست ، 2022
کراچی کی عدالت نے دعا زہرا سے شادی کے کیس میں نامزد مرکزی ملزم ظہیر احمد اور اس کے بھائی شبیر احمد کی ضمانت میں توسیع کر دی۔
ایڈیشنل ڈسٹرکٹ اینڈ سیشن عدالت کراچی نے دعا زہرا کیس میں ملزم ظہیر اور شبیر کی درخواست ضمانت کی سماعت کی۔
سرکاری وکیل کا کہنا تھا کہ مقدمے کا چالان تاحال پیش نہیں ہو سکا ہے، جوڈیشل مجسٹریٹ نے 6 اگست تک چالان جمع کروانے کا حکم دیا ہے۔
ایڈیشنل ڈسٹرکٹ اینڈ سیشن عدالت نے دونوں ملزمان کی عبوری ضمانت میں 17 اگست تک توسیع کر دی۔
یاد رہے کہ ظہیر کے خلاف دعا زہرا کے اغوا کا مقدمہ کراچی کے الفلاح تھانے میں درج ہے جبکہ عدالت کے حکم پر دعا زہرا دارالامان میں رہائش پزیر ہے۔
