02 اگست ، 2022 
پاکستان
عمران خان نے جو ڈیکلریشن جمع کرایا وہ غلط اور جھوٹا قرار دیا گیا، پاکستان کے آئینی ادارے نے رسیدوں اور منی ٹریل کےخلاف فیصلہ دے دیا: اعظم نذیر— فوٹو: فائل
پی ٹی آئی ممنوعہ فنڈنگ: معاملہ وفاق کے پاس آیا تو قانون پر عمل کریں گے: وزیر قانون
02 اگست ، 2022
وفاقی وزیر قانون اعظم نذیر تارڑ کا کہنا ہے کہ ایک آئینی ادارے نے عمران خان کو چور اور جعل ساز ڈکلیئر کیا۔
انہوں نے کہا کہ تحریک انصاف کے ممنوعہ فارن فنڈنگ کیس کے حوالے سے الیکشن کمیشن کے فیصلے کے بعد یہ معاملہ وفاقی حکومت کے پاس آئے گا تو قوم دیکھے گی، فارن ایڈڈ پارٹی سے متعلق قانون پر عمل کریں گے۔
انہوں نے کہا کہ عمران خان نے جو ڈیکلریشن جمع کرایا وہ غلط اور جھوٹا قرار دیا گیا، پاکستان کے آئینی ادارے نے آپ کی رسیدوں اور منی ٹریل کےخلاف فیصلہ دے دیا، الیکشن کمیشن نے ان کی مرضی کی تاریخیں انہیں دیں، لوگوں نے آج عمران خان کی سیاست دیکھ لی۔
