02 اگست ، 2022 
نئے مالی سال کے پہلے ہی ماہ ملکی برآمدات کو دھچکا
02 اگست ، 2022
اسلام آباد: نئے مالی سال کے پہلے ہی ماہ ملکی برآمدات کو دھچکا پہنچا ہے۔
وفاقی ادارہ شماریات نے تجارتی اعداد و شمار جاری کر دیے ہیں جس کے مطابق جولائی میں ماہانہ بنیادوں پر برآمدات میں 23.95 فیصدکمی اور سالانہ بنیادوں پر برآمدات میں 5.17 فیصد کمی ریکارڈ کی گئی۔
ادارہ شماریات کے مطابق جولائی 2022 میں برآمدات 2 ارب21 کروڑ 90 لاکھ ڈالرز رہیں، جون 2022 میں برآمدات 2 ارب 91 کروڑ 80 لاکھ ڈالرز تھیں۔
ادارہ شماریات کے اعداد و شمار کے مطابق جولائی میں ماہانہ بنیادوں پر درآمدات میں 38.31 فیصد کمی ہوئی، جولائی 2022 میں درآمدات 4 ارب 86 کروڑ 10 لاکھ ڈالرز رہیں جب کہ جون 2022 میں درآمدات 7 ارب 88 کروڑ ڈالرز تھیں۔
اعداد و شمار کے مطابق جولائی میں ماہانہ بنیادوں پر تجارتی خسارے میں 46.76 فیصد کمی ہوئی، جولائی میں تجارتی خسارہ 2 ارب 64 کروڑ 20 لاکھ ڈالرز رہا جب کہ جون میں تجارتی خسارہ 4 ارب 96 کروڑ 20 لاکھ ڈالرز تھا۔
مزید خبریں :
پاکستان میں مہنگائی 4 سال کی کم ترین سطح پر
02 نومبر ، 2024
رواں مالی سال کے پہلے 4 ماہ میں تجارتی خسارے میں کمی ریکارڈ
02 نومبر ، 2024
پی ایس ایکس: 100 انڈیکس میں 1893 پوائنٹس کا اضافہ
01 نومبر ، 2024
انٹربینک میں ڈالر سستا ہوگیا
01 نومبر ، 2024
ملک میں سونے کی قیمت میں اضافے کے بعد اچانک کمی
01 نومبر ، 2024
